Səudiyyə Ərəbistanında ÜDM artımı üçüncü rübdə 5 faizə yüksəldi – 2023-dən bəri ən yüksək göstərici

Səudiyyə Ərəbistanının real ÜDM artımı 2025-ci ilin üçüncü rübündə 5 faiz təşkil edib. Bu, 2023-cü ilin birinci rübündən bəri qeydə alınan ən sürətli iqtisadi genişlənmədir. Məlumat Statistika üzrə Baş İdarənin operativ hesablamalarında əksini tapıb. İdarənin açıqlamasına əsasən, artım bütün əsas iqtisadi fəaliyyət sahələrində qeydə alınıb. Qeyri-neft sektoru 4,5 faiz, neft sektoru isə 8,2 faiz artım göstərib. Dövlət sektorundakı artım 1,8 faiz səviyyəsində olub.

30 Oktyabr 2025 12:25

BAKI, AzerVoice, Nailə Babazadə

Səudiyyə Ərəbistanının real ÜDM artımı 2025-ci ilin üçüncü rübündə 5 faiz təşkil edib. Bu, 2023-cü ilin birinci rübündən bəri qeydə alınan ən sürətli iqtisadi genişlənmədir.

AzerVoice xəbər verir ki,məlumat Statistika üzrə Baş İdarənin operativ hesablamalarında əksini tapıb.

İdarənin açıqlamasına əsasən, artım bütün əsas iqtisadi fəaliyyət sahələrində qeydə alınıb. Qeyri-neft sektoru 4,5 faiz, neft sektoru isə 8,2 faiz artım göstərib. Dövlət sektorundakı artım 1,8 faiz səviyyəsində olub.

Hesabatda bildirilir ki, real ÜDM artımına ən böyük töhfə qeyri-neft sektorundan gəlib. Bu sahənin ümumi artıma təsiri 2,6 faiz bəndi təşkil edib.

Qeyd edək ki, ötən gün iqtisadiyyat və planlaşdırma naziri Feysəl əl-İbrahim Riyadda keçirilən “Gələcəyin İnvestisiyaları Təşəbbüsü” çərçivəsində verdiyi bəyanatda, 2025-ci ildə ölkənin ümumi iqtisadi artım səviyyəsinin 5,1 faiz olacağını qeyd etmişdi.