BAKI,AzerVoice, Nailə Babazadə
İsrail ordusunun Qəzza Zolağında həyata keçirdiyi hücumlardа həyatını itirənlərin sayı son 24 saatda 2 nəfər artaraq 70 min 369-a yüksəlib.
AzerVoice xəbər verir ki,Qəzzadakı Səhiyyə Nazirliyi yazılı açıqlamasında İsrailin hücumlarında yaşanan can itkiləri, yaralanmalar və dağıntılar altından çıxarılan cəsədlərlə bağlı son məlumatları paylaşdı.
Son 24 saatda biri dağıntı altından çıxarılan 3 fələstinlinin cəsədi ilə 5 yaralının xəstəxanalara çatdırıldığı bildirilib.
Atəşkəsin qüvvəyə minməsindən bəri həyata keçirilən hücumlarda 379 nəfərin öldüyü, 992 nəfərin yaralandığı və dağıntılar altından 627 cəsədin çıxarıldığı qeyd olunub.
İsrailin 2023-cü ilin oktyabrında Qəzza Zolağına başladığı hücumlarda həyatını itirənlərin sayısının 70 min 369-a, yaralıların sayısının isə 171 min 69-a yüksəldiyi açıqlanıb.
ABŞ Prezidenti Donald Tramp 9 oktyabrda Misirdə davam edən danışıqlarda İsrail və Həmasın Qəzzada atəşkəs planının ilk mərhələsini təsdiqlədiyini bildirmişdi.
Danışıqların aparıldığı Misirdə imzalanan razılaşma İsrail hökumətinin təsdiqi ilə 10 oktyabrda qüvvəyə minmişdi.
İsrail ordusu Qəzza Zolağında əldə olunan atəşkəsə baxmayaraq, müxtəlif iddialarla zaman-zaman fələstinliləri hədəf alan hücumlar həyata keçirir.
