BAKI, VOA, Nailə Babazadə
Qətər Daxili İşlər Nazirliyi tərəfindən məsələ ilə bağlı bəyanat yayılıb. Bəyanatda İrandan təşkil edilən hücumlar və ya bu hücumlara müdaxilə nəticəsində baş verən qəzalar zamanı hadisə yerinə toplaşmamağın vacibliyi bildirilib.
VOA xəbər verir ki, hadisə yerlərindən və sahədəki proseslərdən görüntü çəkərək sosial mediada paylaşmamağa diqqət yetirilməsi vurğulanan bəyanatda, bunun hüquqi nəticələri barədə xəbərdarlıq edilib. Bu növ hərəkətlərin rəsmi qurumların işinə mane olduğu və çevik müdaxiləni çətinləşdirdiyi ifadə edilib.
Birləşmiş Ərəb Əmirlikləri (BƏƏ) Baş Prokurorluğundan verilən açıqlamada, çaşqınlıq yaratdığı və cəmiyyətin təhlükəsizliyini təhdid etdiyi əsası ilə naməlum mənbələrdən yayılan şayiə və məlumatların paylaşılmaması barədə xəbərdarlıq edilib. Rəsmi mənbələrdən məlumat almağın əhəmiyyətinə diqqət çəkilən açıqlamada, naməlum mənbələrdən məzmun dərc etməyin və paylaşmağın hüquqi məsuliyyət daşıdığı qeyd edilib. Açıqlamada bildirilib: "Naməlum mənbələrdən məzmun paylaşan və ya onu yenidən yayan hər kəs, həmin məzmunu yaradan şəxs olmasa belə, müvafiq qanunvericiliyə uyğun olaraq hüquqi məsuliyyətə cəlb ediləcəkdir".
Xatırladaq ki,İsrail və ABŞ, Tehran ilə Vaşinqton rəhbərlikləri arasında danışıqlar davam edərkən 28 fevralda İrana qarşı hərbi hücuma başlayıb. İran da İsrail ilə yanaşı, ABŞ bazalarının yerləşdiyi Qətər, Birləşmiş Ərəb Əmirlikləri və Bəhreyn başda olmaqla bəzi regional ölkələrdə müəyyən etdiyi hədəflərə hücumlarla qarşılıq verib.
ABŞ və İsrailin hücumlarında İran lideri Ayətullah Əli Xameneyi ilə bərabər, çox sayda yüksək rütbəli rəsmi həlak olub. İran Qızıl Aypara Cəmiyyəti ölkəyə qarşı bombardmanlarda 555 nəfərin həyatını itirdiyini, 747 nəfərin isə yaralandığını elan edib.
