BAKI,VOA
İraqın Süleymaniyə şəhəri yaxınlığında yerləşən yaşayış məntəqəsində güclü partlayış səsləri qeydə alınıb.
VOA xəbər verir ki, Süleymaniyə şəhərinin Zirqivez kəndində bir neçə partlayış səsi eşidilib.
Məlumata əsasən, kənddə dörd partlayış səsinin eşidildiyi bildirilir. Hadisənin İrana müxalif kürd qruplarının ailələri ilə birlikdə yaşadığı ərazidə baş verdiyi qeyd olunur.
İlkin məlumatlara görə, partlayışlar nəticəsində yaşayış məntəqəsində ciddi ziyan və ya insan tələfatı qeydə alınmayıb.
Hadisə ilə bağlı rəsmi qurumlar tərəfindən hələlik açıqlama verilməyib.
