BAKI,VOA, Fərid Mikayılov
Qətərin Müdafiə Nazirliyi ölkəyə yönəlmiş raket hücumunun hava hücumundan müdafiə sistemləri tərəfindən zərərsizləşdirildiyini açıqlayıb.
VOA xəbər verir ki, rəsmi məlumata görə, Qətər Silahlı Qüvvələri ölkəyə yönəlmiş raketi vaxtında aşkar edərək onu havada məhv edib.
Hadisədən əvvəl ölkədə təhlükə səviyyəsinin yüksəldilməsi ilə bağlı xəbərdarlıq yayımlanıb. Bundan sonra paytaxt Doha səmasında bir neçə güclü partlayış səsi eşidildiyi bildirilib.
Qətər rəsmiləri hücumun qarşısının alındığını və təhlükəsizlik qüvvələrinin vəziyyəti nəzarətdə saxladığını açıqlayıb.
Hadisə ilə bağlı əlavə məlumatların araşdırıldığı bildirilib.
