BAKI,VOA

İsrailin Baş naziri Benyamin Netanyahu televiziya vasitəsilə xalqa müraciətində İsrail ordusunun bu gün İran daxilindəki strateji nəqliyyat infrastrukturuna genişmiqyaslı zərbələr endirdiyini elan edib.

VOA xəbər verir ki, baş nazir Netanyahu bildirib ki, İsrail hərbi hava qüvvələri İranda dəmir yollarını və körpüləri hədəf alıb. O, heç bir sübut təqdim etmədən iddia edib ki, bu mülki infrastruktur obyektləri İran İslam İnqilabı Keşikçiləri Korpusu (SEPAH) tərəfindən hərbi məqsədlər üçün istifadə olunur.

"Nəqliyyat təyyarələri və helikopterlər məhv edilib"

Netanyahu müraciətində həmçinin dünən həyata keçirilən əməliyyatların nəticələrinə də toxunub. Onun sözlərinə görə, İsrail ordusu dünən İrana məxsus bir neçə nəqliyyat təyyarəsini və onlarla helikopteri məhv edib. Baş nazir yenə də sübut göstərmədən bu texnikaların SEPAH-ın logistik əməliyyatlarında mühüm rol oynadığını qeyd edib.