BAKI. VOA:
İsrail mətbuatının yaydığı məlumata görə, ölkənin şimalında, Livanla sərhəddə yaranmış gərgin təhlükəsizlik vəziyyəti ilə əlaqədar bir sıra mühüm tədbirlər təxirə salınıb.
VOA xəbər verir ki,baş nazir Benyamin Netanyahu bu gün, bazar günü Qalileya bölgəsindəki Meron dağında keçirilməsi planlaşdırılan dini festivalın ləğv edilməsi barədə göstəriş verib. Qərarın birbaşa təhlükəsizlik riskləri və Livan istiqamətindən gələ biləcək təhdidlərlə bağlı olduğu bildirilir.
Bundan əlavə, "Maariv" qəzetinin verdiyi məlumata görə, bu axşam keçirilməsi nəzərdə tutulan Nazirlər Kabinetinin (təhlükəsizlik kabineti) iclası da ləğv edilib. İclasın əvəzinə operativ vəziyyəti qiymətləndirmək üçün dar çərçivədə təhlükəsizlik məsləhətləşmələrinin aparılacağı qeyd olunur. Rəsmilər bu addımları bölgədəki hərbi gərginliyin artması fonunda qabaqlayıcı ehtiyat tədbirləri kimi qiymətləndirirlər.
