BAKI,VOA,Yusif Şərifzadə
Küveyt Xarici İşlər Nazirliyi İran İnqilab Keşikçiləri Korpusu ilə əlaqəli olduğu bildirilən təşkilatın ifşa edilməsindən sonra Bəhreynə dəstəyini ifadə edib.
VOA xəbər verir ki, nazirliyin “X” platformasında yayımladığı bəyanatda Küveytin Bəhreynlə həmrəy olduğu və Manamanın təhlükəsizliyinə dəstək verdiyi vurğulanıb.
Bəyanatda Bəhreyn təhlükəsizlik orqanlarının peşəkarlığı və ölkənin təhlükəsizliyini hədəf alan planların qarşısını almaqda nümayiş etdirdiyi ayıqlıq yüksək qiymətləndirilib.
Məlumata görə, açıqlama Bəhreyn Daxili İşlər Nazirliyinin İran qüvvələri ilə əlaqəli olduğu iddia edilən qruplaşmaya mənsub 41 nəfərin saxlanıldığını bildirməsindən sonra yayılıb.
