Livanın cənubunda hücum xəbərdarlığı: Sakinlər hansı ərazilərdən uzaqlaşmalıdır?

İsrail ordusu Livanın cənubundakı Sur şəhəri və ətraf ərazilərdə yaşayan sakinlər üçün məcburi köçürülmə xəbərdarlığı yayıb, yaxın zamanda hücumların planlaşdırıldığı bildirilib. Sözçü Avixay Adraee “X” platformasında Surun 5 km-lik ərazisində ər-Raşidiyyə bölgəsinə aid xəritə paylaşaraq iki binanın hədəf olduğunu və sakinlərin ən azı 300 metr uzaqlaşmasını tövsiyə edib. Bu xəbərdarlıq regionda gərginliyi artırır və mülki əhalinin təhlükəsizliyi ilə bağlı ciddi narahatlıqlar yaradır.

25 May 2026 19:14

BAKI,VOA,Yusif Şərifzadə

İsrail ordusu Livanın cənubundakı Sur şəhəri və ətraf ərazilərdə yaşayan bəzi sakinlər üçün məcburi köçürülmə barədə xəbərdarlıq yayıb və bölgəyə yaxın zamanda hücumların həyata keçiriləcəyini bildirib.

VOA xəbər verir ki, məlumatı İsrail ordusunun ərəbdilli sözçüsü Avixay Adraee paylaşaraq, Sur şəhərinin 5 kilometrliyində yerləşən ər-Raşidiyyə bölgəsinə aid xəritə yayımlayıb.

Xəritədə iki bina işarələnib və həmin binaların hədəf olduğu bildirilib; sakinlərdən həmin obyektlərdən ən azı 300 metr uzaqlaşmaları tələb olunur.