BAKI,VOA,Yusif Şərifzadə
İsrail qüvvələri Suriyanın cənubunda, Dərəyə vilayətinin qərb kəndləri olan Maariya və Əl-Arda şəhərlərinə basqın edib. Qüvvələr bir neçə müvəqqəti post quraraq sakinlərin hərəkətini məhdudlaşdırıb. Bu barədə rəsmi Sana xəbər agentliyi yerli məmura istinadən məlumat yayıb.
VOA xəbər verir ki, Abidin və Maariya bələdiyyə şurasının sədri Muəffəq Mahmud agentliyə bildirib ki, İsrail qüvvələri səhər tezdən bir neçə hərbi maşınla bölgəyə daxil olub və Maariya şəhərinin şərq girişində, su quyusunun yaxınlığında mövqe tutub.
Qüvvələr ictimai və şəxsi nəqliyyat vasitələrini yoxlayıb və əməliyyatı saat 7-yə qədər davam etdirib. Daha sonra Maariya və Abidin şəhərlərinə keçərək müvəqqəti postlar qurublar və nəqliyyat vasitələrini geniş şəkildə yoxlayıblar.
Suriya hökuməti dəfələrlə İsrail qüvvələrinin öz ərazisini tərk etməsini tələb edib və beynəlxalq ictimaiyyəti bu məsələ ilə bağlı tədbir görməyə çağırıb.
