BAKI,VOA,Yusif Şərifzadə
Böyük Britaniyanın İsraildən hərbi məhsul idxalının Qəzzada müharibə dövründə ciddi şəkildə artdığı bildirilir.
VOA xəbər verir ki, bu barədə Londonda yerləşən “Action on Armed Violence” təşkilatı beynəlxalq ticarət məlumatlarına istinadən açıqlama yayıb.
Məlumata görə, BMT-nin UN Comtrade bazasında “silah və sursat, hissələr və aksesuarlar” kateqoriyası üzrə idxal göstəriciləri 10 min faizdən çox artıb.
2023-cü ildə təxminən 74 min dollar səviyyəsində olan idxal 2025-ci ildə təxminən 7,97 milyon dollara yüksəlib.
Təşkilat bu artımı Qəzzada davam edən müharibə ilə əlaqələndirən tədqiqatlara istinad edib.
Hesabatda qeyd olunur ki, İsrailin işğal olunmuş Fələstin əraziləri hərbi və müşahidə texnologiyaları üçün sınaq bazası kimi istifadə oluna bilər.
Eyni zamanda, İsrailin ümumi silah ixracının da son illərdə artdığı bildirilir.
UN məlumatlarına əsasən, bu rəqəm 2021-ci ildə 1,45 milyard dollardan 2025-ci ildə 2,42 milyard dollara yüksəlib.
