BAKI,VOA,Yusif Şərifzadə
Qəzza zolağında son 24 saat ərzində İsrail hücumları nəticəsində 3 fələstinli həlak olub, 11 nəfər yaralanıb.
VOA xəbər verir ki, bu barədə Qəzzanın Səhiyyə Nazirliyi gündəlik hesabatında məlumat yayıb.
Nazirliyin açıqlamasına görə, ötən ilin oktyabrında elan olunan “atəşkəs”dən sonra ümumi ölüm sayı 1024-ə, yaralıların sayı isə 3260-a yüksəlib.
Bildirilib ki, dağıdılmış binaların xarabalıqları altından əlavə 784 meyit də çıxarılıb.
Səhiyyə rəsmiləri Qəzzada humanitar vəziyyətin davamlı olaraq ağırlaşdığını və axtarış-xilasetmə işlərinin çətinləşdiyini vurğulayıblar.
