BAKI,VOA Orxan Qədirzadə
Səudiyyə Ərəbistanının xarici işlər naziri şahzadə Feysəl bin Fərhan rəsmi səfəri çərçivəsində Çində ölkənin vitse-prezidenti Han Çjen ilə görüş keçirib.
Görüş zamanı tərəflər Səudiyyə Ərəbistanı ilə Çin arasında ikitərəfli münasibətlərin hazırkı vəziyyətini müzakirə edib, əməkdaşlığın daha yüksək səviyyəyə qaldırılması istiqamətində görülə biləcək addımları nəzərdən keçiriblər.
Müzakirələrdə xüsusilə iqtisadi və investisiya sahələrində əməkdaşlığın genişləndirilməsi, qarşılıqlı sərmayələrin artırılması və əlaqələrin daha da inkişaf etdirilməsi məsələlərinə xüsusi diqqət yetirilib.
Tərəflər, həmçinin iki dost ölkənin regional və beynəlxalq məsələlər üzrə birgə koordinasiyanı davam etdirmək əzmində olduqlarını vurğulayıblar.
Şahzadə Feysəl bin Fərhanın Çin rəsmiləri ilə keçirdiyi görüşdə Səudiyyə Ərəbistanının digər yüksəkrütbəli dövlət rəsmiləri də iştirak ediblər.
