BAKI,VOA,Yusif Şərifzadə
İsrailin Livana qarşı həyata keçirdiyi hücumlar nəticəsində ölənlərin sayının ən azı 4 324 nəfərə çatdığı bildirilib. Yaralananların sayı isə 12 221 nəfər təşkil edir.
VOA xəbər verir ki, Livan Səhiyyə Nazirliyinin açıqlamasına görə, İsrailin martın 2-dən etibarən Livana qarşı həyata keçirdiyi hücumlar nəticəsində minlərlə insan həlak olub və yaralanıb.
Məlumata əsasən, İsrail qüvvələri əldə olunmuş “atəşkəs” razılaşmasına baxmayaraq Livanın cənubuna qarşı hücumlarını davam etdirib.
Livan və İsrail nümayəndələrinin gələn həftə İtaliyada növbəti danışıqlar mərhələsi üçün görüşəcəyi bildirilib. Danışıqların əsas məqsədlərindən birinin bölgədə təhlükəsizlik vəziyyətinin sabitləşdirilməsi olduğu qeyd olunur.
Beynəlxalq ictimaiyyət Livanın cənubunda vəziyyətin daha da gərginləşməməsi və atəşkəs rejiminə əməl olunması üçün tərəflərə çağırışlar edir.
Livan ərazisində davam edən qarşıdurma regionda humanitar vəziyyətlə bağlı narahatlıqları artırır.
