Ölənlərin sayı 73 341 nəfərə çatıb - Qəzza Səhiyyə Nazirliyi

Qəzza Səhiyyə Nazirliyi son 24 saatda altı meyitin xəstəxanalara gətirildiyini açıqlayıb. Onlardan dördü yeni ölüm hadisəsi, biri əvvəllər yaralanmış şəxs, digəri isə dağıntılar altından çıxarılıb. Atəşkəsdən bəri 1 214 nəfərin öldüyü, 3 977 nəfərin yaralandığı bildirilir. Müharibənin başlanmasından indiyədək ölənlərin sayı 73 341, yaralananların sayı isə 174 086 nəfərə çatıb. İsrail bu rəqəmlərlə bağlı rəsmi açıqlama verməyib.

30 İyul 2026 17:09

BAKI,VOA,Yusif Şərifzadə

Qəzza zolağında son 24 saat ərzində xəstəxanalara altı nəfərin meyiti gətirilib. Onlardan dördü yeni ölüm faktı, biri əvvəllər aldığı yaralardan vəfat edən şəxs, digəri isə dağıntılar altından çıxarılan meyit olub.

VOA xəbər verir ki, Qəzza Səhiyyə Nazirliyinin açıqlamasına əsasən, son sutkada yaralıların sayı da artıb. Nazirlik bildirib ki, 2025-ci il oktyabrın 11-də qüvvəyə minmiş atəşkəsdən bu günədək azı 1 214 nəfər həlak olub, 3 977 nəfər yaralanıb.

Nazirliyin məlumatına görə, 2023-cü il oktyabrın 7-də müharibənin başlanmasından bəri İsrailin həyata keçirdiyi hücumlar nəticəsində ümumilikdə azı 73 341 nəfər həyatını itirib, 174 086 nəfər isə yaralanıb.

Qəzza Səhiyyə Nazirliyinin təqdim etdiyi rəqəmlər müstəqil mənbələr tərəfindən təsdiqlənməyib. İsrail hökuməti bu statistikaya dair hələlik rəsmi münasibət bildirməyib.