Türkiyənin müdafiə sənayesi şirkəti STM kəşfiyyat və müşahidə missiyaları üçün hazırladığı "TOGAN" çoxrotorlu pilotsuz uçuş aparatına (PUA) "SpecDrone" radioelektron kəşfiyyat (SIGINT) faydalı yükünü inteqrasiya edib. Yeni sistem rabitə kanallarından və radioelektron mübarizə (jammer) sistemlərindən yayılan radiotezlik (RF) siqnallarını aşkarlamaq və təyin etmək məqsədi daşıyır.
Bölgəni sarsıdan böyük qarşıdurmadan alınan dərslər və yeni qlobal nizamın şifrələri
Əsasən optik-elektron və infraqırmızı (EO/IR) müşahidə sistemləri ilə təchiz edilən "TOGAN" PUA-sı bu inteqrasiya sayəsində passiv RF aşkarlama imkanları qazanıb. "SpecDrone" sistemi ətrafdakı rabitə və radioelektron maneə mənbələrindən gələn RF emissiyalarını qeydə alır, onları identifikasiya edir və vizual məlumatları operatorun ekranına ötürür. PUA-nın gövdəsinin üst hissəsində quraşdırılmış antenanın qəbuledici funksiyasını yerinə yetirdiyi müşahidə olunur.
"SpecDrone" ilə təchiz edilmiş "TOGAN", həmçinin yenilənmiş dizayna malik "TUNGA-X" zərərsizləşdirici (interceptor) PUA-sı Türkiyə Təhlükəsizlik Baş İdarəsinin Aviasiya Departamentinə təqdim olunub.
Türkiyənin yeni nəsil "Reis" sinfi sualtı qayıqlarında tətbiq edilən AIP texnologiyası nədir?
Yenilənmiş TUNGA-X
Təqdimat zamanı "TUNGA-X" PUA-sının yeni aerodinamik quruluşa malik olduğu diqqət çəkib. "SAHA EXPO 2026" sərgisində nümayiş etdirilən "X-qanad" konfiqurasiyası Ukraynanın aktiv istifadə etdiyi "STING" PUA-sına bənzər monoplan qanad quruluşu ilə əvəzlənib. Bu dizayn qanadların füzelyaja perpendikulyar yerləşməsi sayəsində qaldırıcı qüvvəni artırır, səth sahəsini və hava müqavimətini azaldaraq üfüqi uçuşun səmərəliliyini yüksəldir.
Türkiyənin hərbi dənizçilikdə sistematik transformasiyası: MİLGEM proqramı
"TUNGA-X" elektro-optik/infraqırmızı (EO/IR) axtarış başlığına və üçrejimli partladıcı mexanizminə malikdir; döyüş başlığında radiotezlikli yaxınlaşma, LIDAR və birbaşa təmas (zərbə) sensorları birləşdirilib. Zərərsizləşdirici PUA 15 km uçuş məsafəsinə və saatda 300 km sürətə çata bilir.
