BAKI,VOA
Bu gün Azərbaycanda yolsuzluq avtomobilləri həvəskarları arasında ən çox müzakirə edilən model – BAW (BAO) 212 haqqında danışacağıq. "Forsaj" klubunun təşkilatçılığı ilə keçirilən bu test-drayv "Ceki Çan Bruce Lee-ni döyər, yoxsa yox?" sualı qədər maraq doğuran "BAO yolsuzluqda keçər, yoxsa batar?" sualına son qoymaq məqsədi daşıyır.
BAW 212-ni müxtəlif avtomobillərə bənzədirlər: bəziləri onu "Gelandewagen"ə, bəziləri "ZİL"ə, digərləri isə "UAZ" və ya "Defender"ə oxşadır. Lakin bu avtomobilin özünəməxsus tarixi var. 1960-cı illərdən hərbi təyinatlı maşın kimi tanınan bu modelin müasir versiyası artıq Azərbaycandadır.
VOA xəbər verir ki, avtomobilin əsas üstünlüyü onun konstruksiyasındadır. Müstəqil asqı yox, həm ön, həm də arxa hissədə bütöv körpülərin (mostların) olması onu əsl yolsuzluq canavarına çevirir. Bu xüsusiyyət avtomobili gələcəkdə "off-road tuning" etmək üçün ən ideal baza hesab olunur.
VOA Forsaj klubun təqdimatında BAW 212 offroad testini təqdim edir.
Hazırda BAW Azərbaycan rəsmi distributoru bu avtomobillərə 5 il və ya 150.000 km zəmanət təqdim edir.
