Bakı, AzerVoice

İran Xarici İşlər Nazirinin müavini Məcid Taxt Rəvancı bu gün (bazar ertəsi) bildirib ki, ABŞ ilə İran arasında Donald Trampın Ağ Evinə qayıtmasından sonra heç bir mesaj mübadiləsi olmayıb.

AzerVoice xəbər verir ki, Taxt Rəvancı, tələbə xəbərləri agentliyinə (İSNA) müsahibəsində: "Amerika yeni administrasiyasının hakimiyyət gəlməsindən bir neçə gün keçib və bu müddət ərzində Tehranla heç bir mesaj mübadiləsi aparılmayıb."

İlk dövründə Tramp "maksimum təzyiq" siyasəti yeridərək, İranın nüvə proqramını məhdudlaşdıran və qarşılığında sanksiyaların yüngülləşdirilməsini təmin edən tarixi nüvə sazişindən ABŞ-ı çıxarmışdı.

Tehran, Vaşinqtonun sazişdən çıxmasından əvvəl sazişə sadiq qalmışdı, lakin sonradan öhdəliklərini tədricən azaldıb. 2015-ci ildə imzalanan sazişi bərpa etmək cəhdləri uğursuz olub.

Taxt Rəvancı, "Sakitlik və səbrlə plan qurmalıyıq. Digər tərəfin (Trampın) siyasətləri elan edildikdə, biz buna uyğun hərəkət edərik"-deyib.
Keçən cümə axşamı Tramp, İranın nüvə obyektlərinə hərbi zərbələr endirməkdən qaçınmağı ümid etdiyini və Tehranla bir "sazişə" çatmağı ümid etdiyini söyləmişdi.

İran dəfələrlə sazişi bərpa etməyə hazır olduğunu bildirib və iyul ayında vəzifəyə gələn Prezident Məsud Pezeşkian, ölkəsinin təcrid olunmasına son qoyulmasını istəyib.

Bu ayın əvvəlində, Tramp Ağ Evə rəsmi olaraq qayıtmadan əvvəl, İranlı rəsmi şəxslər Britaniya, Fransa və Almaniyadan olan həmkarları ilə nüvə müzakirələri aparıb. Hər iki tərəf bu görüşləri "açıq və faydalı" olaraq qiymətləndirmişdi.