Bakı. AzerVoice:
S-400 problemini həll edə bilsək, ABŞ Türkiyəni yenidən F-35 ailəsinə qəbul etməkdən məmnun olardı.
AzerVoice xəbər verir ki, bu barədə ABŞ Müdafiə Nazirliyinin (Pentaqon) sözçüsü Patrik Rayder açıqlama verib.
Rayder onu da bildirib ki, Türkiyəyə F-35-lərin satılması məsələsi gündəmdə deyil.
Qeyd edək ki, Türkiyə 2019-cu ildə Rusiyadan S-400 hava hücumundan müdafiə sistemi aldıqdan sonra ABŞ tərəfindən F-35 proqramından çıxarılıb. Türkiyənin alıb inventarına əlavə etdiyi 4 ədəd F-35 qırıcısı Arizonadakı Luke Hava Bazasında yerləşir.
