Bakı, AzerVoice
ABŞ-ın yeni seçilmiş prezidenti Donald Trampın andiçmə mərasimindən əvvəl təxminən 1500 nəfərlik yeni immiqrant karvanı Meksikanın Tapaçula şəhərindən ABŞ sərhədinə doğru hərəkətə keçib.
AzerVoice xəbər verir ki, Meksika mətbuatında yer alan xəbərlərə görə, karvanın əsas məqsədi ABŞ sərhədini keçərək yeni administrasiya işə başlamazdan əvvəl ölkəyə daxil olmaqdır.
İnsan Ləyaqəti Mərkəzinin (CDH) direktoru Luis Rey Qarsia Villaqran, Meksika prezidenti Claudia Sheinbauma zəng edərək mühacirlərin qarşısının alınmamasını tələb edib.
Karvanda olan Venesuelalı mühacir Sezar Eduardo Milano Meksikanın immiqrasiya idarələrinin onlara kömək etmədiyini deyib. O, immiqrasiya prosesinin yalan vədlərlə dolu olduğunu vurğulayıb.
Sosial mediada yayılan görüntülərdə müxtəlif millətlərdən olan çox sayda mühacirin karvanda iştirak etdiyi görünür.
Mərkəzi Amerika ölkələrindən gələn mühacirlər ABŞ sərhədinə çatmaq üçün Qvatemala və Meksika vasitəsilə uzun və təhlükəli yolu qət etməyə çalışırlar.
