Bakı, AzerVoice
Güclü qar çovğunu ilə əlaqədar Amerika Birləşmiş Ştatlarının azı 7 ştatında fövqəladə vəziyyət elan edilib.
AzerVoice xəbər verir ki, bu barədə BBC məlumat yayıb.
Məlumata görə qar çovğunu ölkənin 30-dan çox ştatında 60 milyondan artıq sakinin həyatına təsir göstərə bilər. Qütb qasırğası Arktik bölgədən Amerikanın mərkəzi ştatlarına doğru irəliləməkdədir.
Əlverişsiz hava şəraiti ilə əlaqədar minlərlə hava reysi təxirə salınıb və ya gecikir, bir çox yollarda nəqliyyatın hərəkəti dayandırılıb, məktəblər bağlanıb.
