Bakı. AzerVoice :

Türkiyədə daxili bazarda yerli istehsalın payını artırmaq və qorumaq həmçinin ölkə içi investisiyaları təşviq etmək məqsədi ilə Çin mənşəli benzin və hibrid avtomobillərindən əlavə gömrük rüsumu tutulacaq.

AzerVoice  xəbər verir ki, bu barədə Türkiyənin Rəsmi Qəzetində məlumat verilmişdir.

Türkiyə Ticarət Naziri Çindən gələn benzin və hibrid avtomobillərə idxal dəyərinin 40%-i nisbətində əlavə gömrük rüsumu tətbiq ediləcəyini bildirib.

Nazirin sözlərinə görə bu cür qərarlar istehlakçıların hüquqlarının qorunması, yerli istehsalın bazar payının artırılması və cari ticarət kəsirinin azaldılması məqsədilə müvafiq qurumlarla edilən müzakirələr nəticəsində verilir.

Dəyişiklik 30 gündən sonra qüvvəyə minəcək.

.