Bakı, AzerVoice
Çində 5 fərqli bölgədə 11 yeni nüvə enerjisi reaktorunun tikintisinə icazə verilib.
AzerVoice xəbər verir ki, bu barədə Çində kabinet funksiyasını yerinə yetirən Dövlət Şurası iclasda qərar verib.
Keçirilən iclasda şimalda Şandunq, şərqdə Jiangsu və Cjiang, cənubda Quanqdonq əyalətləri və Quanqsi Quanq Muxtar Bölgəsində yeni nüvə reaktorlarının tikintisinə qərar verilib.
İnşa ediləcək 11 yeni reaktorun təxminən 220 milyard yuana (30,85 milyard dollar) başa gələcəyi təxmin edilir.
Dövlətə məxsus Çin Ümumi Nüvə Enerjisi Korporasiyası (CNGP) 6 reaktorun, Çin Milli Nüvə Enerjisi Korporasiyası (CNNC) 3 və Dövlət Enerji İnvestisiya Korporasiyası (SPIC) 2 reaktorunun tikintisini həyata keçirəcək.
Xatırladaq ki, Çin 2022 və 2023-cü illərdə 10 yeni reaktorun tikintisini təsdiqləmişdi.
Hazırda ölkədə 55 aktiv nüvə reaktoru var ki, bu da ABŞ və Fransadan sonra ən çox reaktora malik ölkədir.
Qeyd edək ki, Çin 2030-cu ilə qədər layihə və ya tikilməkdə olan 36 reaktorun əlavə edilməsi ilə nüvə enerjisi gücündə dünya lideri olmağı hədəfləyir.
Hafiz Rufizoğlu
