Bakı,AzerVoice

Keçmiş israilli məhbus Noa Arqamani Qəzza zolağında saxlanılarkən işgəncələrə məruz qalması xəbərlərinin yalan olduğunu və İsrail ordusunun hücumu nəticəsində yaralandığını bildirib.

AzerVoice xəbər verir ki, Arqamani İsrail mətbuatında işgəncələrə məruz qalması ilə bağlı yayılan xəbərlərə münasibət bildirib.

İsrail mətbuatı Arqamaninin Yaponiyanın paytaxtı Tokioda qatıldığı bir toplantıda dediyi sözləri təhrif edərək, onun əsir ikən işgəncələrə məruz qaldığını dediyini iddia edib.

Xəbər mətbuatda sürətlə yayıldıqdan sonra Arqamani sosial media hesabından verdiyi açıqlamada bu iddiaları təkzib edib.

"İsrail Hərbi Hava Qüvvələrinin vurduğu binada idim. Bina üstümə çökdüyü üçün bütün bədənimdə yaralar əmələ gəldi",- deyə o bildirib.