Bakı, AzerVoice

Serbiya prezidenti Aleksandr Vuçiç ölkədə məcburi hərbi xidmətin bərpası haqqında fərman imzalayıb.

AzerVoice xəbər verir ki, Vuçiç fərman ilə bağlı verdiyi açıqlamada hərbi xidmət müddətinin 75 gün olacağını bildirib.

Həmçinin açıqlamada hərbi xidmətin kişilər üçün məcburi olacağı,
qadınların isə könüllü olaraq xidmət edə biləcəkləri bildirilib.

Vuçiç qərarını açıqlayarkən "Ümid edirəm ki, bizim güclü orduya nə qədər ehtiyacımız olduğunu anlayırsınız" deyib.

Vuçiç heç kimə hücum etmək məqsədlərinin olmadığını sadəcə Serbiyanı təhdid edənləri qorxutmaq istədiklərini bildirib. Ancaq Serbiya üçün təhlükə mənbəyinin kim olduğunu açıqlamayıb.

Vuçiçin fərmanının qüvvəyə minməsi üçün, verilən qərar prezident partiyası üzvlərinin çoxluq təşkil etdiyi hökumət və parlament tərəfindən təsdiqlənməlidir.

Xatırladaq ki, Serbiya parlamenti 2010-cu ildə məcburi hərbi xidməti ləğv etmişdi.