BAKI, AzerVoice
Pakistanda 5 bal gücündə zəlzələ qeydə alınıb, itki yoxdur
AzerVoice xəbər verir ki, Pakistanın
Pəncab əyalətində yerli vaxtla saat 10:30-da 5 bal gücündə zəlzələ
baş verib.
Bu barədə Amerika Birləşmiş Ştatları Geoloji Xidməti (USGS) məlumat
yayıb.
Yeraltı təkanların 39,2 kilometr dərinlikdə baş verdiyi və episentrin Pəncabın Sanjval rayonundan 12 kilometr şərqdə yerləşdiyi bildirilib.
Hazırda zəlzələ nəticəsində can və ya mal itkisi ilə bağlı məlumat yoxdur.
Qeyd edək ki, regionda zaman-zaman oxşar gücdə seysmik hadisələr qeydə alınır və yerli hakimiyyət orqanları mümkün zərərlərin qarşısını almaq üçün monitorinqi davam etdirir.
