BAKI, AzerVoice

Danimarkanın paytaxtı Kopenhagenin mərkəzində sürücünün səhvi nəticəsində avtomobil izdihamın üzərinə çırpılıb.

AzerVoice xəbər verir ki, bu barədə Danimarka polisinin X sosial şəbəkəsində verdiyi açıqlamada deyilir.

“Yaşlı bir kişi avtomobilin idarəetməsini itirib. Beş nəfər xəsarət alıb, onların vəziyyəti hələlik məlum deyil” – deyə, açıqlamada qeyd olunub.

Danimarka televiziyasının məlumatına görə, azı bir nəfərə təcili tibbi yardım göstərilib.

XXX

Danimarkanın paytaxtı Kopenhagenin mərkəzində avtomobilin izdihamın üzərinə çırpılması nəticəsində xəsarət alanların sayı 11-ə yüksəlib.

AzerVoice xəbər verir ki, bu barədə Danimarka televiziyası məlumat yayıb.

Məlumata əsasən, hüquq-mühafizə orqanları bildirib ki, xəsarət alanlardan üç nəfərin vəziyyəti kritikdir. Zərərçəkənlər arasında avtomobilin sürücüsü də var. Polis onun ifadəsini sağaldıqdan sonra alacağını bildirib.