BAKI, AzerVoice
İndoneziyanın məşhur turizm adası Balinin böyük hissəsi işıqsız qalıb.
AzerVoice xəbər verir ki, bu barədə "The Jakarta Post" qəzeti məlumat yayıb.
Məlumata görə, elektrik enerjisinin kəsilməsi hava limanının fəaliyyətinə və avtomobil hərəkətinə təsir edib. Qəza yerli vaxtla saat 16:00-da (Bakı vaxtı ilə saat 12:00) baş verib və bir neçə saat davam edib. Hazırda adanın böyük hissəsində elektrik təchizatı bərpa olunub.
Dövlətə məxsus kommunal xidmət şirkəti "PLN Bali", elektrik kəsintisinin səbəbinin Bali adasını Yava adası ilə birləşdirən sualtı elektrik kabellərində yaranan nasazlıq olduğunu açıqlayıb.
