BAKI, AzerVoice
ABŞ-da həbs olunan Rümeysa Öztürk azadlığa çıxıb.
AzerVoice xəbər verir ki, Fələstinə
dəstək aksiyalarında iştirak etdiyi üçün ABŞ-da 45 gün həbsdə
saxlanılan Rümeysa Öztürk məhkəmənin zamin müqabilində azadlığa
buraxılması qərarı ilə sərbəst qalıb.
O, həbsdən çıxdıqdan sonra verdiyi ilk açıqlamada təşəkkürlərini
bildirib.
“Çox yoruldum, bir müddət dincələcəm, amma burada olduğunuz üçün çox minnətdaram. Həyatım boyu mənə verdiyiniz bütün dəstəyə görə çox sağ olun,” – deyə Öztürk bildirib.
Qeyd edək ki, Rümeysa Öztürk İsrailin Fələstindəki hərbi əməliyyatlarına qarşı keçirilən etirazlarda fəal iştirakı ilə tanınıb. Onun həbsi beynəlxalq ictimaiyyət və insan haqları qurumları tərəfindən tənqid edilmişdi.
