BAKI, AzerVoice
Tramp Netanyahuyla danışaraq, İrana “ağlabatan bir təklif” etdiyini bildirib.
AzerVoice xəbər verir ki, ABŞ-ın sabiq prezidenti Donald Tramp İsrailin baş naziri Benyamin Netanyahuyla telefon danışığında Vaşinqtonun İranın nüvə proqramı ilə bağlı “ağıllı təklif” irəli sürdüyünü və yaxın günlərdə cavab gözlədiyini deyib.
Danışıqlardan sonra Netanyahu təhlükəsizlik komandası ilə qapalı iclas keçirib. Görüşdə İsrail ordusunun Baş Qərargah rəisi, Mossad direktoru, müdafiə və xarici işlər nazirləri iştirak ediblər.
Tramp jurnalistlərə bildirib ki, Netanyahunu ehtiyatlı olmağa çağırıb. “Hazırda həll yoluna çox yaxınıq, bu səbəbdən addımlar diqqətlə atılmalıdır.” - deyə o bildirib.
İsrailin enerji naziri Eli Koen isə bildirib ki, ölkə lazım gələrsə, hücum etmək gücündədir və İranın nüvə silahına sahib olmasına imkan verilməyəcək.
Qeyd edək ki, İran rəsmiləri ABŞ-ın “qəbuledilməz” saydıqları təklifinə cavab olaraq yeni bir planı Oman vasitəsilə təqdim edəcəklərini açıqlayıblar.
