BAKI, AzerVoice

ABŞ-ın Beynəlxalq İnkişaf Agentliyi (USAID) 1 iyul tarixindən etibarən xarici yardım proqramlarını rəsmi şəkildə dayandırır.

AzerVoice xəbər verir ki, bu barədə ABŞ dövlət katibi Marko Rubio məlumat verib.

“Bundan sonra bizim xarici yardım proqramlarımız ABŞ vergi ödəyicilərinə qarşı hesabatlı olacaq” – deyə o, bildirib.

Rubio qeyd edib ki, USAID onilliklər ərzində demək olar ki, məhdudiyyətsiz vergi ödəyicisi büdcəsi ilə Amerikanın təsirini artırmaq və dünya üzrə iqtisadi inkişafa dəstək vermək imkanı əldə edib.

“İstənilən dövlət qulluqçusu amerikalı vətəndaşlara təminat verməlidir ki, onların maliyyələşdirdiyi proqramlar ölkəmizin maraqlarına xidmət edir. ABŞ Prezidenti Donald Tramp administrasiyası tərəfindən minlərlə proqramın diqqətlə təhlil edilməsindən sonra aydın oldu ki, ABŞ-ın Beynəlxalq İnkişaf Agentliyi (USAID) bu standartlara əhəmiyyətli dərəcədə uyğun gəlmir” – deyə, Rubio vurğulayıb.