Husilərin "Magic Seas" gəmisinə hücumu nəticəsində iki nəfər yaralanıb (ƏLAVƏ OLUNUB)

Qırmızı dənizdə Husilər tərəfindən hücuma məruz qalan "Magic Seas" adlı yük gəmisi batıb.

7 İyul 2025 22:42

Təfərrüatlar əlavə olunub (ilk xəbər saat 19:39-da yayılıb)

Yəmənin “Ənsar Allah” hərəkatına bağlı husi qüvvələrinin Qırmızı dənizdə "Magic Seas" ticarət gəmisinə hücumu nəticəsində iki nəfər yaralanıb, daha iki nəfər isə itkin düşüb.

AzerVoice xəbər verir ki, bu barədə "Reuters" agentliyi Britaniyanın dəniz təhlükəsizliyi sahəsində ixtisaslaşmış "Ambrey" şirkətinə istinadla məlumat yayıb.

Bildirilib ki, hücum nəticəsində gəminin mühərrikləri zədələnib və gəmi nəzarətsiz şəkildə sürüklənməyə başlayıb.

Hadisə ilə bağlı araşdırmalar davam etdirilir.

Bundan əvvəl husilərin sözçüsü Yəhsa Səriə gəminin tamamilə batdığı bildirmişdi:

“Magic Seas gəmisi tamamilə batıb. Bu, gəmi sahibinin fələstinli limanlara giriş qadağasını dəfələrlə pozmasına cavab olaraq silahlı qüvvələrimizin endirdiyi zərbənin nəticəsidir.”