BAKI, Azervoice, Nərmin Ağayeva

Livan hökuməti ölkədə bütün silahlı qüvvələrin dövlətin nəzarətinə verilməsi barədə qərar qəbul edib.

Azervoice xəbər verir ki, Nazirlər Şurasının qəbul etdiyi qərara əsasən, Hizbullah da daxil olmaqla Livandakı bütün silahlı qruplaşmaların fəaliyyətinə son qoyulacaq və onların silahları dövlət inhisarına keçəcək. İnformasiya naziri Paul Markus bildirib ki, məqsəd ölkədə yalnız dövlətin silahlı qüvvələrinin mövcudluğunu təmin etməkdir. ABŞ-ın Ankaradakı səfiri və Suriya üzrə xüsusi nümayəndəsi Tom Barak bu addımı “tarixi və cəsarətli qərar” adlandırıb.

Qeyd edək ki, 19 iyunda ABŞ-ın təqdim etdiyi təklifdə Livandakı bütün silahların dövlət nəzarətinə verilməsi prioritet kimi göstərilmişdi.