BAKI, AzerVoice, Səməd Əyyubov
Amerikalılar Ukrayna üçün vəsait xərcləmək istəmir və ABŞ Prezidenti Donald Tramp bu münaqişənin maliyyələşdirilməsinə son qoymaq niyyətindədir.
AzerVoice xəbər verir ki, bu barədə ABŞ vitse-prezidenti Cey Di Vens "Fox News" telekanalına müsahibəsində bildirib.
Vensin sözlərinə görə, Tramp və o hesab edirlər ki, ABŞ artıq Ukraynanın hərbi sənayesini maliyyələşdirməyi dayandırmalıdır.
“Amerikalılar öz pullarını, vergilərini bu münaqişəyə göndərməkdən yorulublar” – deyə, o vurğulayıb.
Qeyd edək ki, Tramp dəfələrlə Avropa ölkələrini Ukraynaya ABŞ-dan daha az yardım göstərdiklərinə görə tənqid edib. O, iyulun 14-də bəyan edib ki, ABŞ müasir silahları NATO üzvü olan dövlətlərə satacaq və həmin ölkələr bu silahları Kiyevə təhvil verəcəklər. Layihənin icrasına dair koordinasiya isə Şimali Atlantika Alyansına həvalə olunacaq.
