BAKI, AzerVoice, Fərid Mikayılov
İranın xarici işlər naziri Abbas Əraqçi bu gün Britaniya, Fransa və Almaniyanın (E3) xarici işlər nazirləri ilə birgə telefon danışığı aparacaq.
AzerVoice xəbər verir ki, İran Xarici İşlər Nazirliyinin sözçüsü İsmayıl Bəqai bildirib ki, söhbət zamanı qanunsuz sanksiyaların ləğvi və İranın dinc nüvə obyektlərinə qarşı hücumlara cavab məsələsi müzakirə olunacaq.
Nazirliyin sözçüsünün sözlərinə görə, Əraqçi ilə E3 nümayəndələri arasında baş tutacaq danışıqlarda həm sanksiyaların aradan qaldırılması, həm də beynəlxalq tərəflərin İranın nüvə obyektlərinə qarşı “cinayətkar hücumlara” cavab verməsinin vacibliyi gündəmdə olacaq.
Xatırladaq ki, İsrail iyunun 13-də İrana qarşı genişmiqyaslı hücumlara başlamış, Vaşinqton da bu əməliyyatlara qoşularaq İranın nüvə silahı hazırlamasının qarşısını almaq üçün ölkənin üç əsas nüvə obyektini bombalamışdı. Hücumlar iyunun 24-də İsrailin birtərəfli şəkildə atəşkəsə razılaşmasından sonra dayandırılıb.
