ABŞ Fələstin pasportu sahibləri üçün vizaları dayandırır

“The New York Times” qəzetinin dörd ABŞ rəsmisinə istinadən yaydığı məlumata görə, ABŞ rəhbərliyi Qəzzalılar və İordan çayının qərb sahilində yaşayan, həmçinin Fələstin diasporundan olan şəxslər üçün qeyri-immiqrasiya vizalarının verilməsini müvəqqəti olaraq dayandırıb. Bu qərar avqustun 18-də ABŞ Dövlət Departamentinin bütün səfirliklərə göndərdiyi memorandumda rəsmi şəkildə bildirilib. Qərar müalicə, universitet təhsili, işgüzar səfərlər və ya şəxsi ziyarətlər kimi məqsədlərlə ABŞ-a səyahət etmək istəyən Fələstin pasportu sahiblərinə şamil edilir.

1 Sentyabr 2025 10:56

BAKI, AzerVoice, Nərmin Ağayeva

ABŞ prezidenti Donald Tramp administrasiyası Fələstin pasportu sahibləri üçün qeyri-immiqrasiya vizalarının təsdiqini dayandırıb.

AzerVoice xəbər verir ki, “The New York Times” qəzetinin dörd ABŞ rəsmisinə istinadən yaydığı məlumata görə, ABŞ rəhbərliyi Qəzzalılar və İordan çayının qərb sahilində yaşayan, həmçinin Fələstin diasporundan olan şəxslər üçün qeyri-immiqrasiya vizalarının verilməsini müvəqqəti olaraq dayandırıb. Bu qərar avqustun 18-də ABŞ Dövlət Departamentinin bütün səfirliklərə göndərdiyi memorandumda rəsmi şəkildə bildirilib. Qərar müalicə, universitet təhsili, işgüzar səfərlər və ya şəxsi ziyarətlər kimi məqsədlərlə ABŞ-a səyahət etmək istəyən Fələstin pasportu sahiblərinə şamil edilir.

Bundan əlavə, ABŞ Dövlət Departamenti avqustun 29-da Birləşmiş Millətlər Təşkilatının (BMT) sentyabrda Nyu-Yorkda keçiriləcək 80-ci Baş Assambleyasında iştirak etmək üçün ABŞ-a səfər edəcək Fələstin rəsmilərinin vizalarının ləğv edildiyini açıqlayıb. Dövlət katibi Marko Rubionun qərarına əsasən, Fələstin Azadlıq Təşkilatı və Fələstin Muxtariyyəti üzvlərinin vizaları rədd olunub və ya ləğv edilib. Bu addımlar fələstinlilər tərəfindən kəskin tənqid olunicleta

Qeyd edək ki, ABŞ-ın bu qərarı Fələstin diasporası və Qəzza əhalisinin ABŞ-a səyahət imkanlarını məhdudlaşdıraraq beynəlxalq səviyyədə müzakirələrə səbəb olmuşdur.