BAKI, AzerVoice, Səməd Əyyubov

Fransada təxminən 104 deputat ölkə prezidenti Emmanuel Makronun vəzifədən kənarlaşdırılması ilə bağlı təklifi imzalayıb.

AzerVoice xəbər verir ki, bu barədə “Boyun əyməyən Fransa” partiyasının parlament fraksiyasının rəhbəri Matilda Pano "X" sosial şəbəkəsində yazıb.

“‘Boyun əyməyən Fransa’, dənizaşırı ərazilərdən olan nümayəndələr, ekologiya və kommunist partiyalarının təmsilçiləri də daxil olmaqla ümumilikdə 104 deputat prezident Emmanuel Makronun vəzifədən uzaqlaşdırılmasına dair təklifi imzalayıb”, – deyə o bildirib.

Pano növbəti paylaşımında isə deputatların “Makronu istefa ilə impiçment arasında seçim qarşısında qoyduqlarını” vurğulayıb.

Xatırladaq ki, sentyabrın 9-da “Boyun əyməyən Fransa” partiyası Milli Assambleyanın (parlamentin aşağı palatası) Bürosuna Makronun hakimiyyətdən uzaqlaşdırılması prosedurunun başlanması üçün müraciət göndərib.