BAKI, AzerVoice, Səməd Əyyubov
Çin Xalq Azadlıq Ordusu Cənubi Çin dənizində “rutin patrul” həyata keçirib və Filippini hər hansı təxribatdan çəkinməyə çağırıb.
AzerVoice xəbər verir ki, bu barədə ordunun Cənub Əməliyyat Komandanlığının sözçüsü bildirib.
O vurğulayıb ki, Filippin dərhal insidentlər törətməyi və bölgədə gərginliyi artırmağı dayandırmalıdır. O əlavə edib ki, Çin qüvvələri bu ərazidə ölkənin suverenliyini qorumaqda davam edəcək.
Qeyd edək ki, Pekin Cənubi Çin dənizinin demək olar ki, tamamı üzərində suverenlik iddiası irəli sürür. Bu akvatoriya ilə hər il üç trilyon dollardan artıq dəyərində ticarət dövriyyəsi həyata keçirilir. Lakin bölgədə Filippin, Bruney, Malayziya və Vyetnam da oxşar suverenlik iddiaları irəli sürür.
