BAKI, AzerVoice, Orxan Qədirzadə
ABŞ Prezidenti Donald Tramp İspaniyanın İsraillə bütün ticarət və hərbi münasibətləri dayandırmasına münasibət bildirib.
AzerVoice xəbər verir ki, Tramp açıqlamasında İspaniyanın NATO-ya qarşı öhdəliklərinə əməl etmədiyini deyib.
“İspaniya NATO-ya sadiq qalmadı. Məncə, bu ölkə müəyyən cəza almalıdır. Lakin bu məsələ NATO ilə İspaniya arasında həll olunmalıdır,” – deyə ABŞ Prezidenti qeyd edib.
Tramp, həmçinin, alyansa üzv dövlətlərin müdafiə xərclərini artırmalı olduğunu xatırladıb.
Qeyd edək ki, İspaniya hökuməti İsrailin Qəzzada törətdiyi soyqırıma etiraz olaraq İsraillə hərbi və iqtisadi əməkdaşlığı dayandırdığını elan etmişdi.
