BAKI,AzerVoice, Orxan Qədirzadə

ABŞ İranın nüvə obyektlərini vuraraq üçüncü dünya müharibəsinin qarşısını alıb.

AzerVoice xəbər verir ki, ABŞ Mərkəzi Kəşfiyyat İdarəsinin (CIA) keçmiş əməkdaşı Con Kiriyaqu iddia edib ki, ABŞ-nin İranın nüvə obyektlərinə hücum qərarı İsrailin təzyiqi ilə əlaqəlidir.

Onun sözlərinə görə, İsrail Vaşinqtona “İranı vurmasanız, nüvə silahından istifadə edəcəyik” mesajı göndərib və Tramp bu addımı qlobal müharibənin qarşısını almaq üçün atdığını deyib.

“Tramp hesab edirdi ki, İranı bombalamaq İsrailin nüvə silahından istifadə etməsinin qarşısını alacaq və üçüncü dünya müharibəsinə aparan yolu bağlayacaq.”-müsahib açıqlamasında deyib.

Kiriyaqu əlavə edib ki, İsrail nüvə proqramı üzərində 1950-ci illərdən işləməyə başlayıb və potensial olaraq 1960-cı illərin sonu və ya 1970-ci illərin əvvəlində nüvə silahı əldə edib.

Rəsmi mənbələr tərəfindən qeyd edilən iddialar təsdiqlənməyib.