BAKI,VOA, Orxan Qədirzadə
İspaniya Baş naziri Pedro Sançesin həyat yoldaşı Beqona Qomesə qarşı iki il davam edən korrupsiya araşdırması məhkəmə mərhələsinə keçib. Baş nazir baş verənləri "siyasi əməliyyat" adlandırıb.
VOA xəbər verir ki, İspaniya məhkəməsi Baş nazir Pedro Sançesin həyat yoldaşı Beqona Qomes barəsində hazırlanan ittihamnaməni qəbul edib. Qomesə qarşı mənimsəmə, kommersiya əməliyyatlarında korrupsiya və dövlət vəsaitlərindən qanunsuz istifadə daxil olmaqla 4 ayrı maddə üzrə ittiham irəli sürülüb. Hakim Xuan Karlos Peinado bildirib ki, Qomesin Madrid Komplutense Universitetində çalışdığı dövrdə baş nazir həyat yoldaşı statusundan istifadə edərək bəzi şirkətlərə qanunsuz imtiyazlar tanıdığına dair kifayət qədər sübut mövcuddur.
Baş nazir Sançes ittihamları rədd edərək, bu prosesin müxalifət tərəfindən idarə olunan siyasi bir kampaniya olduğunu müdafiə edib. Lakin sağçı və ifrat sağçı partiyalar hökumətin legitimliyini itirdiyini bildirərək erkən seçkilərin keçirilməsini tələb edirlər. Qeyd edək ki, Sançesin qardaşı David Sançesin də gələn ay bənzər ittihamlarla hakim qarşısına çıxacağı gözlənilir.
