BAKI,VOA, Fərid Mikayılov

NATO rəhbərliyi ABŞ və Avropa ölkələri arasında hərbi əməkdaşlıq məsələlərində yeni mərhələnin başladığını bildirir.

VOA xəbər verir ki, Mark Rutte Avropa ölkələrinin ABŞ prezidenti Donald Tramp tərəfindən verilən mesajları nəzərə aldığını və hərbi bazaların istifadəsi ilə bağlı razılaşmaların icrasını sürətləndirdiyini açıqlayıb.

Məlumata görə, Tramp bəzi NATO üzvü dövlətləri İranla münaqişə fonunda ABŞ-a yetərli dəstək verməməkdə ittiham edib. Bu isə alyans daxilində müzakirələri daha da intensivləşdirib.

Rutte Ermənistanın ev sahibliyi etdiyi Avropa Siyasi Birliyi Sammiti çərçivəsində jurnalistlərə açıqlamasında bildirib ki, ABŞ tərəfində müəyyən narazılıqlar mövcud olsa da, Avropa ölkələri bu çağırışlara reaksiya verib.

Onun sözlərinə görə, Avropa tərəfi artıq müdafiə öhdəliklərini gücləndirmək və hərbi infrastruktura dair razılaşmaların yerinə yetirilməsini təmin etmək istiqamətində konkret addımlar atır.