BAKI,VOA, Fərid Mikayılov
ABŞ Prezidenti Donald Tramp Roma Papası Papa XIV Leo-nun açıqlamalarını tənqid edərək onun mövqeyinin dünyanı “daha az təhlükəsiz” etdiyini bildirib.
VOA xəbər verir ki, Tramp qeyd edib ki, Papaya məxsus bəyanatlar İranla bağlı mövqeyə dolayı dəstək kimi qiymətləndirilə bilər və bu yanaşma qlobal təhlükəsizlik baxımından risklidir.
Buna cavab olaraq Papa XIV Leo isə bu iddiaları rədd edərək Katolik Kilsəsinin nüvə silahlarına qarşı olduğunu və sülh, dialoq və diplomatiyanın tərəfdarı kimi çıxış etdiyini vurğulayıb.
Məlumata görə, yaranmış gərginlik ABŞ Dövlət katibi Marko Rubionun Vatikana planlaşdırılan səfəsi öncəsi münasibətlərin daha da həssas mərhələyə daxil olduğunu göstərir.
Qeyd olunur ki, məsələyə İtaliya siyasi dairələri də reaksiya verib. Baş nazir Corcia Meloni və xarici işlər naziri Antonio Tajani Trampın açıqlamalarını tənqid edərək Papa ilə həmrəylik ifadə ediblər.
