BAKI,VOA, Fərid Mikayılov
NATO-nun baş katibi Mark Rutte İran və Hörmüz boğazındakı vəziyyətlə bağlı açıqlama verib.
VOA xəbər verir ki, Mark Rutte Monteneqroda keçirdiyi mətbuat konfransında hazırda əsas müzakirə mövzularından birinin İran və Hörmüz boğazında yaranmış vəziyyət olduğunu bildirib.
Məlumata görə, NATO baş katibi Avropa müttəfiqlərinin Hörmüz boğazında mümkün situasiyalara dəstək verməsi məsələsinin müzakirə edildiyini qeyd edib.
Bildirilib ki, Rutte NATO-nun gələcəyi ilə bağlı nikbin olduğunu vurğulayaraq Avropa ölkələri və Kanadanın müdafiə xərclərini artırmaq istiqamətində addımlar atdığını diqqətə çatdırıb.
Qeyd olunub ki, Hörmüz boğazında təhlükəsizlik məsələsi son dövrlər qlobal enerji və beynəlxalq ticarət marşrutları baxımından əsas gündəm mövzularından biri olaraq qalır.
