BAKI,VOA Orxan Qədirzadə

ABŞ dövlət katibi Marko Rubioın prezident təyyarəsində çəkilmiş fotosu sosial şəbəkələrdə geniş müzakirələrə səbəb olub.

VOA xəbər verir ki, Ağ Evin kommunikasiya direktoru Stiven Çunq tərəfindən paylaşılmış fotoda Rubionun “Nike Tech” markalı idman geyimi ilə görüntüləndiyi əks olunub. Paylaşımda “Nazir Rubio Venesuela versiyalı Nike Tech geyimi ilə prezident təyyarəsindədir” ifadəsi yer alıb.

Şəkil qısa müddətdə sosial mediada sürətlə yayılıb və ABŞ mediasının diqqət mərkəzinə çevrilib. Müzakirələrin əsas səbəbi isə Rubionun geyiminin keçmiş Venesuela prezidenti Nicolas Maduroın saxlanıldığı zaman geyindiyi idman dəsti ilə eyni olması iddiası olub.

İzləyicilər bu oxşarlığın təsadüfi olmadığını və siyasi mesaj xarakteri daşıya biləcəyini irəli sürüblər. Məsələ xüsusilə prezident Donald Trampın eyni vaxtda Venesuelanı “ABŞ-nin 51-ci ştatı” kimi təqdim edən paylaşımı ilə birlikdə daha böyük rezonans doğurub.

Sosial şəbəkələrdə bir çox istifadəçi bunu ABŞ-nin həm Venesuelaya, həm də Çinə mesajı kimi şərh edib. Bəzi şərhlərdə Vaşinqtonun Pekinlə danışıqlara “güc nümayişi” fonunda getdiyi iddia olunub.

Digər tərəfdən, bəzi istifadəçilər isə məsələnin şişirdildiyini bildirərək həmin idman geyiminin uzun illərdir satışda olduğunu və bunun sadəcə təsadüf və ya rahat səyahət seçimi ola biləcəyini qeyd ediblər.

Hadisə sosial mediada siyasi simvolların və vizual mesajların beynəlxalq münasibətlərdə necə geniş müzakirələrə səbəb olduğunu bir daha gündəmə gətirib.