BAKI,VOA, Fərid Mikayılov

ABŞ Prezidenti Donald Tramp ilə İsrail Baş naziri Benyamin Netanyahu arasında İran məsələsində fikir ayrılığı yaranıb.

VOA xəbər verir ki, məlumatlara görə, Tramp və Netanyahu 19 may tarixində telefon danışığı zamanı İranla bağlı razılığa gələ bilməyiblər. İsrail Baş nazirinin görüşdən sonra “tələsik və narahat” olduğu iddia olunur.

Axios-un mənbələri bildirir ki, Tramp Netanyahuya ABŞ və İranın imzalayacağı, savaşı rəsmi olaraq sona çatdıracaq və İranın nüvə proqramı ilə Hörmüz Boğazının açılması kimi məsələləri əhatə edən 30 günlük danışıqlar prosesini başlatmaq üçün “niyyət məktubu” üzərində işlədiklərini bildirib.

Məlumatlarda həmçinin, Netanyahunun yaxın həftələrdə Trampla görüşmək üçün Vaşinqtona səfər etməyi planlaşdırdığı iddia olunur.