BAKI,VOA, Fərid Mikayılov
ABŞ və İran arasında mümkün razılaşmaya dair danışıqlar davam edir və bu gün yeni inkişafın baş verə biləcəyi gözlənilir.
VOA xəbər verir ki, bunu ABŞ Dövlət Katibi Marko Rubio Hindistanın paytaxtı Yeni Dehlidə jurnalistlərə açıqlamasında bildirib.
Rubio bildirib ki, danışıqlar hələ də davam edir və Hörmüz Boğazının yenidən açılmasına dair təkliflər, həmçinin nüvə müzakirələri masadadır.
O vurğulayıb ki, ABŞ Prezidenti Donald Tramp pis bir razılaşma etməyəcək və ölkəsinin diplomatiya uğuru üçün hər fürsətdən istifadə edəcək.
Rubio həmçinin, ABŞ ilə İran arasında mümkün razılaşmaya dair ciddi irəliləyiş olsa da, hələ yekun nəticənin əldə edilmədiyini qeyd edib.
