BAKI,VOA,Yusif Şərifzadə
ABŞ Prezidenti Donald Tramp G7 sammiti çərçivəsində jurnalistlərə bir sıra açıqlamalar verib.
VOA xəbər verir ki, o ABŞ–İran memorandumunu İranın nüvə silahı əldə etməsinin qarşısını alan “divar” kimi qiymətləndirib.
Tramp qeyd edib ki, İranın nüvə silahı əldə etmək niyyətində olmadığını iddia edən Tehran rəsmiləri bu mövqeyi davam etdirirlər.
O, razılaşmanın “çox güclü” və “detallı” bir sənəd olduğunu bildirib.
Tramp əlavə edib ki, İranın bu sənədi imzalamağa və “normal həyata qayıtmağa” maraqlı olduğunu düşünür.
ABŞ Prezidenti ABŞ–İsrail müharibəsindən sonra regionda yeni diplomatik mərhələnin yarana biləcəyini istisna etməyib.
Livanla bağlı suala cavabında Tramp İsrailin özünü müdafiə etmək hüququna sahib olduğunu deyib.
Eyni zamanda o, İsrailin əməliyyatlarda “düzgün mühakimə” sərgiləməsinin vacibliyini vurğulayıb.
