Con Bolton məxfi sənədlərlə bağlı günahını etiraf edib

ABŞ-ın keçmiş milli təhlükəsizlik müşaviri Con Bolton məxfi sənədlərlə bağlı cinayət işi üzrə günahını etiraf edib. O, federal məhkəmədə bir ittiham maddəsi üzrə təqsirini qəbul edərək peşman olduğunu bildirib. Razılaşmaya əsasən, prokurorluq onun beş ildən artıq həbs cəzası almasını tələb etməyəcək. Bundan əlavə, Bolton 2,25 milyon ABŞ dolları məbləğində cərimə ödəyəcək. Keçmiş müşavir əvvəlcə milli müdafiəyə aid çox məxfi məlumatların ötürülməsi və saxlanılması ilə bağlı 18 maddə üzrə ittiham olunmuşdu. İstintaq onun məxfi sənədləri elektron poçt vasitəsilə səlahiyyəti olmayan şəxslərə göndərdiyini iddia edir. Con Bolton son illərdə Donald Trampın siyasətini, xüsusilə İranla bağlı mövqeyini açıq şəkildə tənqid edən tanınmış simalardan biri olub. Məhkəmə işi ABŞ-da məxfi dövlət sənədlərinin qorunması ilə bağlı növbəti səs-küylü proseslərdən biri kimi qiymətləndirilir.

26 İyun 2026 21:04

BAKI,VOA,Yusif Şərifzadə

ABŞ Prezidenti Donald Trampın keçmiş milli təhlükəsizlik müşaviri Con Bolton məxfi sənədləri qanunsuz saxlamaq ittihamı üzrə günahını etiraf edib.

VOA xəbər verir ki, 77 yaşlı diplomat Merilend ştatının federal məhkəməsində məxfi sənədləri qanunsuz saxlamaqla bağlı bir ittiham üzrə təqsirini qəbul edib.

Məlumata görə, razılaşmaya əsasən prokurorluq onun barəsində beş ildən artıq azadlıqdan məhrumetmə cəzası istəməyəcək.

Hakim Teodor Çuanqın "özünüzü təqsirli bilirsinizmi?" sualına Bolton "Bəli, hörmətli hakim, təqsirliyəm və buna görə peşmanam" cavabını verib.

Məhkəmənin qərarına əsasən, Con Bolton 2,25 milyon ABŞ dolları məbləğində cərimə də ödəməlidir.

Bolton ötən ilin oktyabrında milli müdafiəyə aid çox məxfi məlumatları ötürmək və saxlamaqla bağlı ümumilikdə 18 maddə üzrə ittiham olunmuşdu. İstintaqın iddiasına görə, o, məxfi sənədləri elektron poçt vasitəsilə səlahiyyəti olmayan iki nəfərə göndərib. Həmin şəxslərin onun həyat yoldaşı və qızı olduğu ehtimal edilir.

Qeyd edək ki, İran hakimiyyətinin dəyişdirilməsinin uzunmüddətli tərəfdarı olan Con Bolton son dövrlərdə Donald Trampın İran və İsrail arasında münaqişə ilə bağlı siyasətini açıq şəkildə tənqid edib.