ABŞ nümayəndələri Dohadadır, lakin İran rəsmiləri ilə görüş planlaşdırılmayıb - Qətər

Qətər Xarici İşlər Nazirliyi ABŞ nümayəndələrinin Dohada olduğunu təsdiqləyib. Bildirilib ki, Cared Kuşner və Stiv Vitkoff İran rəsmiləri ilə birbaşa görüş keçirməyəcəklər. Onların yalnız vasitəçilərlə danışıqlar aparacağı qeyd olunub. Görüşlərdə ABŞ-İran danışıqlarının gedişi müzakirə ediləcək. Qətər tərəfi İrana məxsus 6 milyard dollar dondurulmuş vəsaitin hələ də köçürülmədiyini də açıqlayıb. ABŞ və İran nümayəndə heyətlərinin səfərlərinin bir-biri ilə əlaqəli olmadığı bildirilib. Diplomatik təmaslar vasitəçilər üzərindən davam etdirilir.

30 İyun 2026 18:16

BAKI,VOA,Yusif Şərifzadə

Qətər Xarici İşlər Nazirliyi ABŞ nümayəndələrinin Dohada olduğunu, lakin onların İran nümayəndə heyəti ilə birbaşa görüş keçirməyəcəyini açıqlayıb.

VOA xəbər verir ki, bu barədə Qətər Xarici İşlər Nazirliyinin sözçüsü məlumat verib.

Onun sözlərinə görə, ABŞ nümayəndələri Cared Kuşner və Stiv Vitkoff Dohada vasitəçilərlə görüşlər keçirəcəklər. Görüşlərdə danışıqlar prosesinin gedişi və əldə olunan irəliləyiş müzakirə ediləcək.

Sözçü bildirib ki, ABŞ nümayəndələrinin proqramında İran rəsmiləri ilə birbaşa görüş nəzərdə tutulmayıb.

Bununla yanaşı, o əlavə edib ki, İrana məxsus 6 milyard dollar həcmində dondurulmuş maliyyə vəsaiti hələ də Tehrana köçürülməyib.

Qətər rəsmisi ABŞ və İran nümayəndə heyətlərinin proqramlarının ayrı-ayrılıqda həyata keçirildiyini vurğulayıb.